Loading...

Thursday, December 09, 2021

Memli Krasniqi u shkon për vizitë familjarëve të Hashim Thaçit e Kadri Veselit





Kryetari i Partisë Demokratike të Kosovës (PDK), Memli Krasniqi ka qëndruar sot për vizitë tek familja e ish-presidentit Hashim Thaçi në Burojë të Skenderajt dhe tek familja e ish-kryeparlamentarit Kadri Veseli në Mitrovicë.Gjatë takimeve në dy familjet e ish-themeluesve të UÇK-së dhe PDK-së, Krasniqi ka shkruar në faqen e tij në ‘Facebook’ se Kosova mburret me ta dhe e pret kthimin e tyre, sepse siç ka thënë ai, e tillë ishte lufta për çlirim – e drejtë, e pastër dhe fitimtare.





“Në Burojë dhe në Mitrovicë, në dy shtëpitë atdhetare që ishin frymëzim për çdo mendje e zemër patriotike, për t’i takuar prindërit dhe familjarët e dy liderëve tanë që shënuan historinë e përpjekjeve të shqiptarëve të Kosovës për liri, pavarësi dhe shtet-ndërtim, Hashim Thaçi dhe Kadri Veseli”, thuhet në postim.





“Malli për djemtë e tyre, që padrejtësisht po mbahen në Hagë, është i madh. Sytë e tyre e flasin këtë, ashtu siç balli i tyre e rrëfen një jetë të tërë me sakrifica. Por, krenaria për bijtë e tyre dhe për vlerat e tyre kombëtare – i mund të gjitha. Kosova mburret me ta dhe e pret kthimin e tyre triumfues, sepse e tillë ishte lufta për çlirim – e drejtë, e pastër dhe fitimtare”, ka thënë kreu i PDK-së Memli Krasniqi.

Krasniqi ka shënuar ndër vizitat e para si kryetar i PDK’së tek familjarët e ish-krerëve të këtij subjekti politik, të cilët po gjykohen në Hagë për krime lufte.





Leave a Reply

Your email address will not be published. Required fields are marked *