Loading...

Sunday, December 05, 2021

Osmani kërkon njohjen e Kosovës nga Greqia

Presidentja e vendit, Vjosa Osmani ka pritur sot në takim ministrin e Punëve të Jashtme të Greqisë, Nikos Dendias.Osmani në takim me ministrin grek deklaroi se vendosja e marrëdhënieve diplomatike në mes të dy shteteve, do të kontribuonte në zhvillimin e rajonit.





“Sot prita ministrin e Punëve të Jashtme të Greqisë @NikosDendias dhe përsërita se vendosja e marrëdhënieve diplomatike në mes të Kosovës dhe Greqisë do të kontribuonte në zhvillimin e rajonit tonë dhe për paqen e qëndrueshme. Pres që të forcojmë edhe më tej lidhjet dypalëshe në vitet në vijim”, ka shkruar Osmani në një postim në “Twitter”.





Detaje për takimin mes Osmanit dhe ministrit të jashtëm grek kanë dhënë edhe nga Presidenca.Në një njoftim për media thuhet se presidentja Osmani ka theksuar se marrëdhëniet ndërmjet të dy vendeve janë të mira dhe ka potencuar se njohja e Kosovës nga Greqia do t`i thellojë edhe më tej marrëdhëniet bilaterale e multilaterale ndërmjet të dy vendeve.





Poashtu në njoftim thuhet se Osmani ka theksuar rëndësinë e përfshirjes së Kosovës në mekanizmat e euro-atlantik të sigurisë si dhe nevojën për rritjen e shkëmbimit tregtar e ekonomik, si dhe bashkëpunimin në sferën e turizmit e kulturës.Ndërkaq ministri Dendias i ka dhënë mbështetje Kosovës në rrugën evropiane, sikurse edhe në procesin e liberalizimit të vizave./

Leave a Reply

Your email address will not be published. Required fields are marked *